ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ

((ខេត្តព្រះសីហនុ ព្រឹកថ្ងៃទី០៧ ខែ ឧសភា ឆ្នាំ២០២៥)   ឯកឧត្ដម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី១ គ.ជ.គ.ម និងជាអគ្គលេខាធិការសមាគមអតីតយុទ្ធជនកម្ពុជា និងឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ​ នៅព្រឹកថ្ងៃទី០៧ ខែឧសភា ឆ្នាំ២០២៥​ អញ្ជើញដឹកនាំកិច្ចប្រជុំបូកសរុបលទ្ធផលការងារគ្រប់គ្រងគ្រោះមហន្តរាយឆ្នាំ២០២៤ និងទិសដៅអនុវត្តបន្តឆ្នាំ២០២៥ របស់គណៈកម្មាធិការគ្រប់គ្រងគ្រោះមហន្តរាយ របស់សមាគមអតីតយុទ្ធជនកម្ពុជា​ នៅសាខាមន្ទីរគណ:បក្សប្រជាជនកម្ពុជា​ខេត្ត​ ស្ថិតនៅ​ភូមិ៣ សង្កាត់១ ក្រុង​ព្រះសីហនុ.

ក្នុងកិច្ចប្រជុំនោះដែរក៏មានការអញ្ចេីញចូលរួមជាកិត្តិយសពីសំណាក់ ឯកឧត្តម​ លោកជំទាវ​ អភិបាលរង​ខេត្ត​ ក្រុង​ស្រុក​ នាយក​ នាយករង​សាលាខេត្ត​ អភិបាល​ នៃ​គណៈ​អភិបាល​ក្រុងស្រុក អភិបាល​ស្តីទី​ ប្រធាន​ និងអនុប្រធានមន្ទីររួមទាំងស្ថាប័នពាក់ពន្ធជាច្រេីនរូប ។

ឆ្លៀត​ក្នុងឨកាស​នោះឯកឧត្តម នាយឧត្តមសេមនីយ៍កិត្តិសង្គហបណ្ឌិត គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី១ គ.ជ.គ.ម និងជាអគ្គលេខាធិការសមាគមអតីតយុទ្ធជនកម្ពុជា​ បានថ្លែង​កោតសរសើរ​ដល់ថ្នាក់ដឹកនាំខេត្តព្រះសីហនុដែលមានឯកឧត្តម ម៉ាង​ ស៊ីណេត​ អភិបាល​នៃ​គណៈ​អភិបាល​ខេត្ត​ក្នុងការចុះជួយសង្គ្រោះគ្រោះមហន្តរាយដល់ប្រជាពលរដ្ឋ ក្នុងក្រុង/ស្រុក​នៃ​ខេត្តព្រះសីហនុ​ដូចជាគ្រោះទឹកជំនន់ ភ្លេីងឆេះផ្ទះ និងគ្រោះមហន្តរាយផ្សេងៗទៀតជាដេីម។

​ឯកឧត្តម​ នាយឧត្តមសេមនីយ៍កិត្តិសង្គហបណ្ឌិតក៏បានផ្តាំផ្ញេីក្នុងកិច្ចប្រជុំនេះថា ឯកឧត្តម​នឹងធ្វេីការស្នេីសុំដល់ប្រមុខរាជរដ្ឋាភិបាលដេីម្បីជំរុញលេីកទឹកចិត្តដល់អតីតយុវជន និងនីតិសម្បទាដេីម្បីអោយមានប្រាក់បៀរវត្សសមរម្យមុន នឹងក្រោយពួកគាត់ចូលនិវត្តន៍ក្នុងការជួយសម្រួលដល់ជីវភាពរបស់ពួកគាត់​ ជាមួយគ្នានោះឯកឧត្តមក៏បានពាំនាំនូវសេចក្តីនឹករលឹករបស់សម្តេចបវរធិបតីនាយករដ្ឋមន្ត្រី និងលោកជំទាវ​ បណ្ឌិត​ ជាពិសេសសម្តេចតេជោ ហ៊ុន​សែន​ និងលោកជំទាវ​ ដែលតែងតែគិតគូរ និងដោះស្រាយរាល់ទុក្ខលំបាក់របស់បងប្អូនអតីតយុវជនផងដែរ​។